پاکستانی گلوکار شہزاد رائے اور اداکارہ سجل علی نے آٹھ فروری کو ہونے والی پولنگ کے حتمی نتائج میں تاخیر کے حوالے سے ایک طنزیہ پوسٹس شئری کی ہے جو سب کی توجہ کا مرکز بن گئی ہے۔
شہزاد رائے نے ایک پوسٹ میں اپنا پرانا گانا ”لگا رہ“ کا ایک حصہ شئیر کیا اور اس کے ساتھ لکھا، ’انتخابی نتیجے کی تاخیر کی اندرونی وجوہات‘۔
ایک اور پوسٹ میں انہوں نے لکھا ’انتخابات کے نتائج کو دیر کرنے کی تکنیکی بحث شاید آپ جیت جائیں لیکن دل نہیں جیت سکیں گے‘۔
شہزاد رائے کے سال 2008 میں ریلیز ہونے والے گانے ”لگا رہ“ کو سجل نے بھی شئیر کیا اور اس کے ساتھ لکھا کہ ’بدقسمتی سے یہ گانا آج کے حالات کی عکاسی کررہا ہے۔‘
متعدد سوشل میڈیا صارفین نے بھی شہزاد رائے کے اس گانے کو حیرت انگیز طور پر موجودہ حالات کے مشابہہ قرار دیا۔