امریکی ریاست پنسلوانیا میں شدید سیلاب کے باعث 5 افراد زندگی کی بازی ہار گئے ہیں۔
برطانوی خبر رساں ادارے رائٹرز کی رپورٹ کے مطابق مغربی ریاست ہائے متحدہ میں شدید گرمی کی لہر عروج پر پہنچ گئی، کیلیفورنیا کے صحرا میں درجہ حرارت 128 فارن ہائیٹ (53 سیلسیس) تک پہنچ گیا، جبکہ شدید سیلاب نے شمال مشرق کو خطرہ بنا رکھا ہے، جس سے پانچ افراد چل بسے ہیں۔
رائٹر کے مطابق تقریباً ایک چوتھائی امریکی آبادی شدید گرمی کے مشورے کی زد میں آگئی، ملک کے کچھ حصوں میں شدید گرمی کے موسم کے دوران شمال مشرق میں شدید بارشیں ہو رہی ہیں۔
نیشنل ویدر سروس کے مطابق ہفتے نہیں تو کئی دنوں تک بارشیں جاری رہنے کی توقع ہے۔
ریاست پنسلوانیا کے شہر فلاڈیلفیا میں اپر میک فیلڈ ٹاؤن شپ کے فائر چیف ٹم بریور نے پریس کانفرنس میں بتایا کہ 45 منٹ میں تقریباً 7 انچ (17 سینٹی میٹر) بارش اس علاقے میں ہوئی، جس میں گاڑیاں بہہ جانے کے باعث 5 افراد کی جانیں گئیں۔ مرنے والوں میں دو بچے، جن میں سے ایک کی عمر 2 سال اور دوسرے کی عمر 9 ماہ تھی، لاپتہ رہے۔
حکام کے مطابق ہم دونوں بچوں کی تلاش جاری رکھے ہیں۔ ہم قطع نظر اس سے دستبردار نہیں ہونے والے ہیں۔ موسم عنصر ہے لیکن اس وقت ہم آپریشن جاری رکھنے جا رہے ہیں۔
نیویارک کی گورنر کیتھی ہوچول نے ریاست کے رہائشیوں سے بارش کے کے دوران سفر سے گریز کرنے کی اپیل کرتے ہوئے کہا کہ اگر سیلاب میں بہہ جائے تو آپ کی گاڑی محفوظ جگہ سے موت کی جگہ تک جا سکتی ہے۔