روپے کے مقابلے میں ڈالر کی قیمت میں مزید کمی

کاروباری ہفتے کے چوتھے روز انٹربینک مارکیٹ میں روپے کے مقابلے میں امریکی ڈالر کی قیمت میں کمی دیکھی گئی۔ سٹیٹ بینک آف پاکستان کے مطابق انٹربینک میں ڈالر 279.35 روپے سے کم ہوکر 279.32 روپے پر بند ہوا۔

اوپن مارکیٹ میں بھی امریکی ڈالر کی قیمت 4 پیسے کم ہوکر 280.37 روپے پر آگئی۔ یورو کی قیمت میں 1.96 روپے کی کمی ہوئی اور یہ 325.61 روپے پر بند ہوا جبکہ برطانوی پاونڈ 1.70 روپے سستہ ہوکر 377 روپے پر آگیا۔

اسی طرح اماراتی درہم کی قیمت 2 پیسے کم ہوکر 76.78 روپے جبکہ سعودی ریال 1 پیسہ بڑھ کر 74.92 روپے ہو گیا۔

ماہرین کا کہنا ہے کہ مارکیٹ میں یہ معمولی کمی روپے کی قدر میں بہتری کی علامت ہے اور تاجروں و سرمایہ کاروں کے لیے خوش آئند ہے۔ ان کے مطابق کرنسی مارکیٹ میں اتار چڑھاؤ عام عمل ہے اور مستقبل میں بھی ریٹس میں ہلکی نرمی یا کمی متوقع رہ سکتی ہے۔