اٹلی کے شہر وینس کی مشہور زمانہ نہر کا پانی اچانک سبز ہوگیا۔
غیرملکی خبررساں ادارے کی رپورٹ کے مطابق وینس کی گرینڈ کنال نہر کا پانی اچانک سبز ہوگیا جس کی ویڈیو سوشل میڈیا پر وائرل ہوگئی ہیں۔
میئر کا بتانا ہے کہ پانی سبز ہونے کی اطلاع علاقہ مکینوں کی جانب سے دی گئی تھی۔
انہوں نے کہا کہ پولیس کو نہر کا پانی سبز ہونے کے بارے میں تحقیقات کی درخواست کردی گئی ہے اور پانی نمنونے بھی حاصل کرلیے گئے ہیں جس کی جانچ کی جارہی ہے۔
کچھ سوشل میڈیا صارفین کا کہنا ہے کہ نہر کو سبز کرنے کی کارروائی ماحول کو تباہی سے بچانے کے لیے سرگرم کچھ گروپس کی جانب سے ہوسکتی ہے۔
نہر میں اس سے قبل بھی احتجاجی گروپ کی جانب سے پانی کو سیاہ کردیا گیا تھا۔
تاہم پچھلے واقعات کے برعکس، کوئی بھی احتجاجی گروپ ابھی تک وینس میں جو کچھ ہوا اس کی ذمہ داری قبول کرنے کے لیے سامنے نہیں آیا ہے۔