چارلوٹ : امریکہ کے ایک تفریحی پارک میں بچے کے ساتھ خوفناک واقعہ پیش آیا جسے دیکھ کر وہاں موجود افراد کی خوف کے باعث چیخیں نکل گئیں۔
تفصیلات کے مطابق امریکی ریاست ساؤتھ کیرولینا میں بچوں کے کیلئے بنائے گئے تفریحی پارک میں قائم ایک گیم کی مشین میں بچہ پھنس گیا، جس کی جان بہت مشکل سے بچائی گئی۔
شارلٹ کے کیرو وِنڈز تھیم پارک کے عملے کو دوپہر دو بجے سے قبل اس واقعے کی اطلاع دی گئی جس کے بعد امدادی کاموں کا آغاز کیا گیا۔
غیرملکی خبر رساں ادارے کی رپورٹ کے مطابق ایک 13سالہ بچہ انعام اٹھانے کی لالچ میں مشین کے اوپر چڑھا اور اندر جاتے ہی بری طرح پھنس گیا۔
تقریباً 17منٹ تک پھنسے رہنے کے بعد پارک کے عملے نے بہت مشکل سے لڑکے کو مشین سے باہر نکال کر اس کے والدین کے حوالے کردیا، بچے کو بعد ازاں طبی امداد کیلیے اسپتال منتقل کرنا پڑا۔
پارک کے ایک نمائندے نے میڈیا کو بتایا کہ گیم مشین سے چوری کرنے کی کوشش کے جرم میں اس بچے پر ایک سال کے لیے پارک میں داخلے پر پابندی عائد کردی گئی ہے۔