چین میں ایک خاتون کو ایسی کھانسی ہوئی کہ کھانس کھانس کر اسکی پسلیاں ہی ٹوٹ گئیں۔
یہ تو آپ سب ہی جانتے ہیں کہ بعض دفعہ چٹپٹی چیز کھانے سے کھانسی شروع ہوجاتی ہے، لیکن کیا آپ نے یہ سنا ہے کہ کھانستے ہوئے خاتون کی پسلیاں ٹوٹ گئیں ہوں۔
یہ حیرت انگیز واقعہ چین میں پیش آیا جہاں خاتون کو مصالحے دار کھانا کھانا بہت مہنگا پڑ گیا، رپورٹ کے مطابق خاتون اپنی کمزور پٹھوں کی وجہ سے مصالحے دار کھانا کھانے کے باعث کھانسی کے دوران چار پسلیاں ٹوٹ گئیں۔
چین کے شہر شنگھائی سے تعلق رکھنے والی خاتون نے کہا کہ پہلے میں نے سوچا کہ یہ فالج ہے لیکن مجھے امید نہیں تھی کہ اس سے اتنی بری طرح تکلیف ہوگی کہ میں چل بھی نہیں پارہی تھی۔
خاتون نے مزید کہا کہ بڑی مشکل سے مجھے قریبی اسپتال لے جایا گیا جہاں سی ٹی اسکین سے پتہ چلا کہ میری چار پسلیاں ٹوٹی ہوئی ہیں۔
رپورٹس کے مطابق خاتون کی کھانسی کے بارے میں سننے کے بعد ڈاکٹروں نے اس کا معائنہ کرنے اور مزید ٹیسٹ کروائے ، جس کے بعد ایک چھاتی کے سرجن نے یہ نتیجہ اخذ کیا کہ خاتون کے کمزور پٹھوں کی وجہ سے کھانسنے کے دوران اس کی پسلیاں ٹوٹیں۔
خاتون کا وزن 57 کلو گرام ہے ،ڈاکٹڑوں نے خاتون کا علاج کرتے ہوئے اسے آرام کا مشورہ دیا ہے۔