سرے: برطانیہ کی ایک 86 سالہ خاتون نے 71 سال سے زیادہ عرصے تک اورکیسٹرا میں وائلا(وائلن کی ایک قسم) بجا کر گینیز ورلڈ ریکارڈ اپنے نام کرلیا۔
گینیز ورلڈ ریکارڈ کے مطابق برطانوی کاؤنٹی سرے سے تعلق رکھنے والی این ملر نے ریڈ سِنفونیا نامی اورکیسٹرا میں 71 سال اور 194 دن تک وائلا بجا کر ریکارڈ اپنے نام کیا۔
این ملر، جو ابھی تک گروپ میں فعال ہیں، نے پہلی بار اورکیسٹرا میں 14 برس کی عمر میں وائلا بجایا تھا اور تب سے اب تک وہ اس اورکیسٹرا سے منسلک ہیں۔
اس سے قبل یہ ریکارڈ امریکا کی جین لِٹل کے پاس تھا جنہوں نے 71 سال تک ایٹلانٹا سِمفونی اورکیسٹرا میں بیس نامی موسیقی آلہ بجایا تھا۔