اڈیالہ جیل میں عمران خان کی بشریٰ بی بی سے ملاقات

پاکستان تحریک انصاف کے بانی عمران خان اور ان کی اہلیہ بشریٰ بی بی کی جیل میں ملاقات کروا دی گئی۔

جیل ذرائع کے مطابق دونوں کی ملاقات کانفرنس روم میں ہوئی جو تقریباً 40 منٹ تک جاری رہی۔

ذرائع کا کہنا ہے کہ ملاقات کے دوران عمران خان اور بشریٰ بی بی نے ایک دوسرے کی خیریت دریافت کی اور عمومی امور پر تبادلہ خیال کیا۔

جیل حکام کے مطابق ملاقات معمول کے سیکیورٹی پروٹوکول کے تحت کروائی گئی۔