.jpg)
کراچی: وزیراعلیٰ سندھ مراد علی شاہ نے دریائے سندھ پر نیا سکھر روہڑی پل بنانے کا اعلان کر دیا ہے۔ یہ فیصلہ 51ویں پبلک پرائیویٹ پارٹنرشپ پالیسی بورڈ کے اجلاس میں کیا گیا، جس میں سندھ کے بڑے انفراسٹرکچر منصوبوں کی منظوری بھی دی گئی۔نیا پل تقریباً ڈیڑھ کلومیٹر طویل اور ملٹی لین ہوگا، جس میں بھاری گاڑیوں اور پیدل افراد کے لیے الگ راستے ہوں گے۔ وزیراعلیٰ سندھ نے کہا کہ پل سکھر اور روہڑی کے علاوہ ملحقہ علاقوں کو جوڑے گا اور موجودہ راستوں پر ٹریفک کے دباؤ میں کمی لائے گا۔
وزیربلدیات ناصر شاہ نے بتایا کہ فی الحال مرکزی گزرگاہ لینس ڈاؤن پل ہے، جسے سکھر بیراج کی مدد حاصل ہے اور مرمت کے باعث کم از کم 2027 تک عوامی آمدورفت کے لیے بند رہے گا۔ نئے پل سے ٹریفک جام اور رش میں واضح کمی متوقع ہے۔
مزید برآں، وزیراعلیٰ سندھ نے نئے پل منصوبے کے لیے پروجیکٹ ڈیولپمنٹ فیسلٹی کی منظوری بھی دے دی۔