چمگادڑوں کے وائرسز سے نمٹنے کیلئے چینی سائنسدانوں کا انوکھا تجربہ

چینی سائنسدانوں نے ایک منفرد طریقہ متعارف کرایا ہے جس کے تحت ویکسین لے جانے والے مچھر تیار کیے گئے ہیں، جو چمگادڑوں کو کاٹ کر انہیں ریبیز جیسے خطرناک وائرسز کے خلاف مدافعت فراہم کر سکتے ہیں۔

ماہرین کے مطابق یہ حکمتِ عملی مستقبل میں ایسے وائرسز کے پھیلاؤ کو روکنے میں مدد دے سکتی ہے جو جانوروں سے انسانوں میں منتقل ہو کر وباؤں کا سبب بنتے ہیں۔

چمگادڑوں کو طویل عرصے سے ریبیز اور نیپا جیسے وائرسز کا بڑا ذریعہ سمجھا جاتا ہے، جہاں سے یہ وائرس انسانوں تک منتقل ہو سکتے ہیں۔ تاہم جنگلات میں بڑی تعداد میں موجود چمگادڑوں کو ویکسین دینا اب تک ایک مشکل چیلنج رہا ہے۔

اس مسئلے کے حل کے لیے ووہان انسٹی ٹیوٹ آف وائرولوجی کے سائنسدانوں نے مچھروں اور خصوصی جالوں کی مدد سے چمگادڑوں میں ویکسین پہنچانے کا طریقہ آزمایا ہے۔

محققین کا کہنا ہے کہ اس طریقے کو "ماحولیاتی ویکسینیشن" کہا جاتا ہے، جو نہ صرف مؤثر ہے بلکہ محفوظ بھی ہے کیونکہ اس میں جانوروں کو پکڑنے یا براہِ راست سنبھالنے کی ضرورت پیش نہیں آتی۔

ماہرین کے مطابق یہ پیش رفت مستقبل میں خطرناک وباؤں کی روک تھام میں اہم کردار ادا کر سکتی ہے۔