.jpg)
پشاور: خیبرپختونخوا کے سابق وزیراعلیٰ اور پاکستان تحریک انصاف کے رہنما علی امین گنڈاپور نے اپنی سیکیورٹی واپس لینے کی تصدیق کرتے ہوئے حکومت پر برہمی کا اظہار کیا ہے، جبکہ صوبائی حکومت نے اس خبر کی سختی سے تردید کر دی ہے۔
سابق وزیراعلیٰ نے کہا کہ ان کے پاس ایک جیمر، دو ڈبل کیبن اور ڈرائیور سمیت 14 افراد کا اسٹاف تھا اور وہ ڈی آئی خان کے حساس علاقے میں رہتے ہیں، جہاں انہیں پہلے سے تھریٹ الرٹس موصول تھے۔ انہوں نے کہا کہ ان کی سیکیورٹی واپس لینا "بلا جواز اقدام" ہے اور حکومت کی موجودگی کے باوجود یہ فیصلہ سمجھ سے بالاتر ہے۔
علی امین گنڈاپور نے مزید کہا کہ اگر دوبارہ انہیں سیکیورٹی یا گاڑیاں فراہم کی جائیں تو وہ انہیں قبول نہیں کریں گے، اور حکومت کو چاہیے کہ شہریوں کی حفاظت کو ترجیح دی جائے۔
دوسری جانب، وزیراعلیٰ خیبرپختونخوا کے پریس سیکریٹری نے وضاحت کی کہ سابق وزیراعلیٰ کی سیکیورٹی واپس لینے کے حوالے سے زیر گردش خبریں درست نہیں ہیں، اور کوئی ہدایت جاری نہیں کی گئی۔
یہ معاملہ خیبرپختونخوا میں سیکیورٹی اور سابق وزرائے اعلیٰ کے تحفظات کے حوالے سے عوام میں بحث کا سبب بن گیا ہے۔