سیکیورٹی خدشات کے پیش نظر بانی چیئرمین پاکستان تحریک انصاف کے تمام مقدمات کی سماعت اب اڈیالہ جیل سے ویڈیو لنک کے ذریعے کی جائے گی۔
ذرائع کے مطابق محکمہ داخلہ پنجاب نے جیل حکام کی سفارش پر ویڈیو لنک سماعتوں کی باضابطہ منظوری دے دی ہے۔ اس فیصلے کے تحت بانی پی ٹی آئی آئندہ تمام عدالتی کارروائیوں میں اڈیالہ جیل سے ہی ویڈیو لنک کے ذریعے پیش ہوں گے۔
محکمہ داخلہ اور جیل حکام نے اس فیصلے سے متعلق تمام متعلقہ عدالتوں کو باقاعدہ آگاہ کر دیا ہے۔ ذرائع کا کہنا ہے کہ ویڈیو لنک سسٹم کو مکمل طور پر فعال بنا دیا گیا ہے تاکہ سماعتوں کا سلسلہ بلا تعطل جاری رہے۔