موٹروے پر سفر کرنے والے مسافروں کے لیے نیا قانون متعارف

نیشنل ہائی ویز اینڈ موٹروے پولیس نے عوامی ٹرانسپورٹ میں سفر کرنے والے تمام مسافروں کے لیے سیٹ بیلٹ پہننا لازمی قرار دے دیا ہے۔

ترجمان کے مطابق بسوں، کوچز اور دیگر مسافر گاڑیوں کے ڈرائیورز اور عملے کو ہدایت کی گئی ہے کہ وہ ہر وقت سیٹ بیلٹ کے استعمال کو یقینی بنائیں۔

سیٹ بیلٹ نہ پہننے والے مسافروں کو جرمانے کا سامنا کرنا پڑے گا، جبکہ ایسی بسیں جن میں سیٹ بیلٹ موجود نہ ہوں، انہیں موٹروے میں داخلے کی اجازت نہیں دی جائے گی۔

ترجمان نے مسافروں اور ٹرانسپورٹ آپریٹرز سے اپیل کی ہے کہ وہ محفوظ سفر کو یقینی بنانے کے لیے اپنی قانونی اور اخلاقی ذمہ داری پوری کریں۔