سپریم کورٹ میں بانی پی ٹی آئی عمران خان کی 9 مئی سے متعلق ضمانت کی اپیلوں پرسماعت کرنے والا بینچ تبدیل ہو گیا۔
بانی پی ٹی آئی کی اپیلوں پر سماعت کرنے والے بینچ میں ایک رکن جسٹس میاں گل حسن اورنگزیب کا اضافہ کر دیا گیا، تین رکنی بینچ 12 اگست کو چیف جسٹس کی سربراہی میں سماعت کرے گا۔
اس سے قبل بانی پی ٹی آئی کی ضمانت کی اپیلیں چیف جسٹس یحییٰ آفریدی کی سربراہی میں 2 رکنی بینچ کے روبرو مقرر کی گئی تھیں، جس میں جسٹس شفیع صدیقی بھی شامل تھے۔
واضح رہے سپریم کورٹ کے 2 رکنی بینچ نے آج عمران خان کی اپیلوں پر سماعت ان کے وکیل سلمان صدر کی استدعا پر 12 اگست تک ملتوی کر دی تھی۔