اسلام آباد : صدر مملکت عارف علوی کا انتخابات کی تاریخ دینے سے متعلق خط وزارت قانون کو موصول ہوگیا ، ترجمان کا کہنا ہے کہ خط پر رائے لینے سےمتعلق کوئی فیصلہ نہیں ہوا۔
تفصیلات کے مطابق وزارت قانون کے ترجمان نے صدر مملکت عارف علوی کا خط وزارت قانون کو موصول ہونے کی تصدیق کردی اور کہا خط پر رائے لینے سےمتعلق کوئی فیصلہ نہیں ہوا۔
ترجمان کا کہنا تھا کہ صدر مملکت نےالیکشن کی تاریخ کیلئےچیف الیکشن کمشنر کے خط پر وزارت قانون سےرائے مانگی ہے تاہم وزارت قانون نے الیکشن کے حوالے سے کوئی اجلاس طلب نہیں کیا۔
گزشتہ روز صدر مملکت عارف علوی نے چیف الیکشن کمیشنر سنکندر سلطان راجہ کے جوابی خط کے بعد وزارت قانون و انصاف کو خط لکھا تھا، جس میں انتخابات کی تاریخ دینے سے متعلق اختیار کیلیے رائے مانگی تھی۔