ہمیں ہتھوڑے کے ذریعے کہا جا رہا ہے کہ عمران خان سے بات چیت کریں ، فضل الرحمان

جے یو آئی کے سربراہ مولانا فضل الرحمان کا کہنا ہے کہ ہمیں ہتھوڑے کے ذریعے کہا جا رہا ہے کہ عمران خان سے بات چیت کریں۔

میڈیا سے گفتگو میں مولانا فضل الرحمان نے کہا کہ جس عدالت پر پارلیمنٹ نے عدم اعتماد کیا ہے اس کے سامنے کیوں پیش ہوں۔ سپریم کورٹ عمران خان کو سیاست کے لیے اہل بنانے کی کوشش کررہی ہے۔

جمعیت علمائے پاکستان کے امیر نے تحریک انصاف کے ساتھ مذاکرات کے سوال کے جواب میں کہا کہ عمران خان کو اس کا اہل نہیں سمجتھے ہیں کہ ان کے ساتھ بات چیت کریں۔

پی ڈی ایم کے صدر مولانا فضل الرحمان نے یہ بھی کہا کہ سپریم کورٹ فریق بن چکی ہے اور 14 مئی میں پھنسی ہوئی ہے۔ عدالت اب کیوں راستہ مانگ رہی ہے۔

مولانا فضل الرحمان نے کہا کہ چیف جسٹس آپ معزز کرسی پر بیٹھ کر ہمیں زلیل کررہے ہیں۔ سپریم کورٹ کو لچک پیدا کرنی چاہیے۔ جب عمرن خان کے لیے لچک پیدا ہوسکتی ہے تو ہمارے لیے کیوں نہیں۔

جمعیت علمائے اسلام کے سربراہ نے مزید کہا کہ پارلیمنٹ سپریم ہے پارلیمنٹ ہمیں بُلا سکتی ہے تو کسی کو بھی بُلا سکتی ہے۔ پہلے ہمیں بندوق کے اور آج ہتھوڑے کے سامنے مذاکرات کا کہا جارہا ہے۔

مولانا فضل الرحمان نے کہا کہ آخر کب تک اس طرح گمراہ کیا جاتا رہے گا۔

ملک میں مہنگائی اور ابتر معاشی حالات پر مولانا فضل الرحمان کا کہنا تھا کہ عمرن خان نے ملکی معیشت کو تباہ کردیا تھا۔ روپے کی قدر میں کمی اضافہ اب ہمارے اختیار میں نہیں رہا۔