راولپنڈی: جنوبی وزیرستان کے صحافیوں نے آئی ایس پی آر کے دفتر کا دورہ کر کے وزیرستان سمیت فاٹا میں امن کی بحالی پر پاک فوج کا شکریہ ادا کیا۔
پاک فوج کے شعبہ تعلقات عامہ (آئی ایس پی آر) کے مطابق جنوبی وزیرستان سے تعلق رکھنے والے صحافیوں کے وفد نے آئی ایس پی آر کے دفتر کا دورہ کیا جہاں انہوں نے ڈی جی آئی ایس پی آر میجرجنرل آصف غفور سے ملاقات کی۔
آئی ایس پی آر کے مطابق میجرجنرل آصف غفور نے صحافیوں کے وفد کو زمینی حقائق سے آگاہ کیا جب کہ صحافیوں نے علاقے کی سیکیورٹی صورتحال اور ترقیاتی کاموں سے متعلق آرا دیں اور وزیرستان سمیت فاٹا میں امن کی بحالی پر پاک فوج کاشکریہ ادا کیا۔