اسلام آباد۔ترجمان دفتر خارجہ ڈاکٹر فیصل احمد نے کہا ہے کہ اتحادی افواج کی جانب سے کرم ایجنسی میں ڈرون حملہ دونوں ممالک کے درمیان جاری تعاون کے خلاف ہے ، دہشت گرد عناصر افغان مہاجر کیمپوں میں رہ رہے ہیں ۔ بدھ کو ترجمان دفترخارجہ ڈاکٹر فیصل کے مطابق پاکستان اتحادی افواج کی جانب سے کرم ایجنسی میں کئے جانے والے ڈرون حملے کی شدید مذمت کرتا ہے ۔ کرم ایجنسی میں افغان مہاجر کیمپ کو نشانہ بنایا گیا ۔
ڈاکٹر فیصل نے کہا کہ ڈرون حملے دونوں ممالک کے درمیان جاری تعاون کے خلاف ہیں ۔ پاکستان افغان مہاجرین کی جلد وطن واپسی پر زوردے رہا ہے ، دہشت گرد عناصر مہاجرین کیمپوں میں رہ رہے ہیں، پاکستان مسلسل انٹیلی جنس شیئرنگ کی اہمیت پر زوردے رہا ہے ۔
135