کویت۔وزیرخارجہ شاہ محمود قریشی نے کہا کہ حکومت کاروباری سرگرمیوں کے لیے بنیادی ڈھانچے کی ترقی کے ایجنڈے پر کام کررہی ہے، حکومت خواہشمند ہے کہ کویت کی کمپنیاں پاکستان میں سرمایہ کاری کریں۔
اس سے حکومت کو اپنے ترقیاتی ایجنڈے کی تکمیل میں مدد ملے گی، پاکستان بیرونی سرمایہ کاروں کو تمام ممکنہ سہولیات فراہم کررہا ہے۔ کویت کے ممتاز تاجروں کے وفد سے گفتگوکرتے ہوئے وزیرخارجہ شاہ محمود قریشی نے کہا کہ پاکستان تحریک انصاف کی حکومت کاروباری سرگرمیوں کے لیے بنیادی ڈھانچے کی ترقی کے ایجنڈے پر کام کررہی ہے۔
شاہ محمود قریشی نے کہا کہ حکومت خواہشمند ہے کہ کویت کی کمپنیاں پاکستان میں سرمایہ کاری کریں جس سے حکومت کو اپنے ترقیاتی ایجنڈے کی تکمیل میں مدد ملے گی۔وزیرخارجہ نے کہا کہ کویت کی متعدد کمپنیاں پہلے ہی پاکستان میں کامیابی کے ساتھ کاروبار کررہی ہیں۔انہوں نے کہا کہ حکومت نے اقتصادی سفارت کاری شروع کی ہے اور اس سلسلے میں تمام سفارت خانوں کو ہدایت کی گئی ہے کہ وہ غیرملکی سرمایہ کاروں کو پاکستان میں کاروبار کے پرکشش مواقع سے آگاہ کریں اور انہیں پاکستان میں سرمایہ کاری کی ترغیب دیں۔شاہ محمود قریشی نے کویت کے تاجروں کے وفد کو یقین دہانی کرائی کہ پاکستان بیرونی سرمایہ کاروں کو تمام ممکنہ سہولیات فراہم کررہا ہے۔