پشاور۔قبائلی ضلع وزیر ستان میں نئے پولیو کیس کی تصدیق کر دی گئی ہے ٗ اس طرح 2روز کے اندر 2نئے پولیو کیسز سامنے آنے کے بعد ملک بھر میں تصدیق شدہ کیسوں کی تعداد 13ہو گئی ہے چند روز قبل بنوں میں پولیو کیس کی تصدیق کی گئی تھی۔
خیبر پختونخوا میں رواں برس 8ٗ پنجاب سے 3ٗ سندھ سے 2پولیو کیسز سامنے آ چکے ہیں پولیو سے متاثرہ بچی کا تعلق یو سی میر علی ٹو سے ہے ٹیسٹ کے لئے متاثرہ بچوں کے نمونے 2 مئی کو قومی ادارہ صحت کو بھجوائے گئے تھے خیبر پختونخوا میں پولیو کیسز کی تعداد میں اضافہ پر حکومت کی جانب سے روک تھام کے لئے رمضان المبارک کے بعد مہم شروع کی جائے گی۔