لاہور: وزیراعظم عمران خان کی اہلیہ بشریٰ عمران نے یتیم خانے کا دورہ کیا اور بچوں کے ساتھ دن گزارا۔
لاہور میں بشریٰ عمران اپنی سہیلی فرح خان کے ہمراہ دارالشفقت پہنچیں اور یتیم بچوں کیلیے کھانے کا اہتمام کیا۔ انہوں نے خود بھی یتیم بچوں کے ساتھ دوپہر کا کھانا کھایا۔ خاتون اول بشرہ عمران خان کی جانب سے یتمیم بچوں کے لیے کھانے چکن بریانی اور زردہ پیش کیا گیا-
اس موقع پر انہوں نے کہا کہ ہمیشہ یہاں آتی ہوں اور بچوں سے مل کر بہت اچھا لگتاہے، یہاں دارالشفقت میں بچوں کو مناسب کھانا ملتا ہے، یہ بچے بہت اچھے ہیں اور ندیدا پن بھی نہیں دکھاتے، ان یتیم بچوں میں تقوی ہے۔ دارالشفقت کے عملے نے بشریٰ عمران کے ساتھ سیلفیاں بھی بنوائیں۔