اسلام آباد: چیف جسٹس میاں ثاقب نثار نے بھاشا ڈیم اور مہمند ڈیم کی تعمیر کے لیے دس لاکھ روپے کا عطیہ دے دیا۔
ترجمان سپریم کورٹ کے مطابق چیف جسٹس نے بھاشا ڈیم اور مہمند ڈیم کی تعمیر کے لیے ذاتی طور پر ایک ملین روپے دیئے ہیں۔
واضح رہے کہ گزشتہ روز سپریم کورٹ میں چیف جسٹس ثاقب نثار کی سربراہی میں 4 رکنی بینچ نے ڈیمز کی تعمیر سے متعلق کیس کی سماعت کی جس میں عدالت نے ڈیموں کی تعمیر سے متعلق مختصر فیصلہ سنایا تھا۔