مشرق وسطیٰ میں امریکی فوجی موجودگی میں اضافے کا فیصلہ، طیارہ بردار بحری جہاز ’تھیوڈور روزویلٹ‘ اور مرینز کی تعیناتی سے ایران پر ممکنہ حملوں کے خدشات

مشرق وسطیٰ کے حساس خطے میں امریکی فوجی موجودگی کو مزید بڑھانے کے فیصلے کے بعد ایران پر ممکنہ نئے حملوں کے خدشات اور سیاسی تناؤ میں نمایاں اضافہ ہو گیا ہے۔

ایک امریکی عہدیدار کے مطابق امریکی بحریہ کا طاقتور طیارہ بردار بحری جہاز "یو ایس ایس تھیوڈور روزویلٹ" (USS Theodore Roosevelt) رواں ماہ (نومبر) کے وسط میں مشرق وسطیٰ پہنچ جائے گا، جہاں وہ پہلے سے موجود بحری جہاز "یو ایس ایس جارج واشنگٹن" کی جگہ سنبھالے گا۔ خبر رساں ایجنسی کے مطابق یہ بحری جہاز اس سے قبل 6 نومبر کو سنگاپور کی بندرگاہ پہنچا تھا۔

اس کے علاوہ رپورٹ میں یہ بھی انکشاف کیا گیا ہے کہ امریکی میرینز کی 13ویں ایکسپیڈیشنری یونٹ بھی رواں ماہ کے آخر تک مشرق وسطیٰ کے خطے میں پہنچ جائے گی۔ اس تعیناتی کے تحت دو ہزار دو سو (2,200) سے زائد تربیت یافتہ امریکی میرینز اور بحری اہلکار خطے میں تعینات کیے جائیں گے۔ دفاعی ماہرین کے مطابق یہ امریکی میرینز سمندری آپریشنز کرنے، ساحلی چھاپے مارنے اور مشکوک جہازوں کی روک تھام و تلاشی لینے کی غیر معمولی صلاحیت کے حامل ہیں۔