ایچ بی ایل پی ایس ایل 10 کے 28ویں میچ میں کوئٹہ گلیڈی ایٹرز نے سنسنی خیز مقابلے کے بعد ملتان سلطانز کو 2 وکٹ سے شکست دے دی۔ راولپنڈی میں کھیلے گئے اس میچ میں ملتان سلطانز نے ٹاس جیت کر پہلے بیٹنگ کرتے ہوئے 7 وکٹوں کے نقصان پر 185 رنز بنائے۔
ملتان کی جانب سے یاسر خان 45 رنز کے ساتھ نمایاں بلے باز رہے جبکہ طیب طاہر نے 36 اور جہانزیب سلطان نے 25 رنز کی اننگز کھیلی۔ کوئٹہ کے عثمان طارق نے عمدہ بولنگ کرتے ہوئے تین کھلاڑیوں کو آؤٹ کیا۔
ہدف کے تعاقب میں کوئٹہ گلیڈی ایٹرز نے آخری گیند پر مطلوبہ اسکور حاصل کر لیا۔ حسن نواز نے 67 رنز کی ناقابل شکست اننگز کھیلی اور آخری گیند پر چھکا لگا کر ٹیم کو فتح دلائی، جب کہ خواجہ نافع نے 57 رنز بنائے۔ ملتان کی طرف سے شاہد عزیز نے تین وکٹیں حاصل کیں۔
یاد رہے کہ کوئٹہ پہلے ہی پلے آف کے لیے کوالیفائی کرچکا تھا جبکہ ملتان سلطانز ٹورنامنٹ سے باہر ہو چکی ہے۔
5