حکومت نے پیٹرولیم مصنوعات پر لیوی کے ففتھ شیڈول کو ختم کرنے کا فیصلہ کیا ہے، اور یہ تبدیلی صدارتی آرڈیننس کے ذریعے نافذ کی گئی۔
اس نئے فیصلے کے تحت، حکومت کو پیٹرولیم لیوی کی حد کے بغیر اپنی مرضی سے قیمتیں مقرر کرنے کا اختیار مل گیا ہے۔
پیٹرول کی لیوی میں 8 روپے 2 پیسے کا اضافہ کر کے اسے 78 روپے 2 پیسے فی لیٹر کر دیا گیا ہے، جبکہ ڈیزل پر 7 روپے ایک پیسہ بڑھا کر لیوی 77 روپے ایک پیسہ فی لیٹر مقرر کی گئی ہے۔
عالمی منڈی میں تیل کی قیمتوں میں کمی کے باوجود، حکومت نے عوام کو ریلیف دینے کے بجائے پیٹرولیم لیوی میں اضافہ کر دیا ہے۔