ساتھی کھلاڑی کی حرکت پر ویرات کوہلی کا حیران کن ردعمل

رائل چیلنجرز بینگلور کے کھلاڑی سواستک چکارا نے ویرات کوہلی کے بیگ سے بغیر اجازت پرفیوم نکال کر لگایا، جس پر ڈریسنگ روم میں سب کھلاڑی ہنسنے لگے۔

یش دیال نے سوشل میڈیا پر بتایا کہ کلکتہ میں میچ کے بعد ڈریسنگ روم میں یہ واقعہ پیش آیا، جب سواستک نے کوہلی کے بیگ سے پرفیوم نکالا۔ دیال کے مطابق، کوہلی نے یہ سب دیکھا لیکن کوئی ردعمل نہیں دیا، جبکہ کپتان رجت پاٹیدار نے کہا کہ وہ حیران تھے کہ سواستک کیا کر رہا ہے۔

سواستک نے وضاحت دی کہ وہ صرف یہ دیکھنا چاہتے تھے کہ کوہلی اچھا پرفیوم استعمال کر رہے ہیں یا نہیں، اور انہوں نے کوہلی کو بتایا کہ پرفیوم واقعی اچھا تھا۔