لاہور: سرمایہ کاروں نے سولر نیٹ میٹرنگ کی قیمت میں کمی پر سخت ردعمل ظاہر کرتے ہوئے کہا ہے کہ حکومت کا 27 روپے سے 10 روپے تک کا فیصلہ ناقابل قبول ہے۔ ان کا کہنا ہے کہ اس فیصلے کے نتیجے میں اربوں روپے کی سرمایہ کاری ختم ہونے اور روزگار کے مواقع متاثر ہونے کا خطرہ ہے۔
پاکستان سولر ایسوسی ایشن کے سربراہ نے کہا کہ حکومت کو اس شعبے میں بھاری سرمایہ کاری کو مدنظر رکھتے ہوئے کسی بھی اقدام سے پہلے متعلقہ افراد سے مشورہ کرنا چاہیے۔ انہوں نے مزید کہا کہ اس پالیسی کو چیلنج کیا جائے گا تاکہ اس صنعت کی ترقی کو یقینی بنایا جا سکے۔