بنگلہ دیش کرکٹ ٹیم کے آل راؤنڈر شکیب الحسن کے خلاف قتل کا مقدمہ درج کردیا گیا۔
بنگلہ دیشی میڈیا کے مطابق ڈھاکہ ہنگاموں کے دوران ایک فیکٹری ورکر کو قتل کیا گیا تھا۔ گارمنٹ فیکٹری کے مقتول ملازم کے والد کی طرف سے قتل کا مقدمہ درج کیا گیا تھا۔
میڈیا رپورٹس میں کہا گیا کہ شکیب الحسن سابق بنگلہ دیشی وزیراعظم شیخ حسینہ کی پارٹی عوامی لیگ کے رُکن بھی ہیں۔ شیخ حسینہ واجد کو بھی مقدمے میں ذمہ دار ٹھہرایا گیا ہے۔
خیال رہے کہ شکیب الحسن اس وقت راولپنڈی میں پاکستان کرکٹ ٹیم کے خلاف دو میچز پر مشتمل ٹیسٹ سیریز کھیل رہے ہیں۔