اسلام آباد : آئی ایم ایف نے نئے قرض پروگرام کے لیے ڈومور کا مطالبہ کردیا تاہم تمام صوبوں نے مطالبہ مانتے ہوئے تعاون کی یقین دہانی کرادی۔
تفصیلات کے مطابق عالمی مالیاتی فنڈ (آئی ایم ایف) کے ماہرین نے چاروں صوبوں سے مشکل ترین ورچوئل مذاکرات کیے، عالمی مالیاتی فنڈ کے ماہرین نے ہر صوبائی حکومت سے الگ مذاکرات کیے، ورچوئل مذاکرات میں وزارت خزانہ کے وفاقی اور صوبائی افسران شامل تھے۔
مذاکرات میں عالمی مالیاتی فنڈ نے زراعت پر انکم ٹیکس وصولی بہتر بنانے کا مطالبہ کیا ، چاروں صوبوں نے زرعی انکم ٹیکس پر کا مطالبہ مان لیا اور زرعی آمدن پر ٹیکس کی وصولی کا پلان مرتب کرنے کے لیے دو دن کا وقت مانگ لیا۔
ذرائع نے بتایا کہ چاروں صوبائی حکومتییں 12 جولائی تک پلان جمع کرائیں گی، زرعی آمدن پر انکم ٹیکس کی شرح سالانہ 6 لاکھ سے زائد آمدن پر عائد ہوگی۔
ذرائع کا کہنا تھا کہ زرعی آمدن پر انکم ٹیکس کے ریٹ بھی نارمل انکم ٹیکس کے حساب سے ہوں گے، زرعی آمدن پر وفاق اور صوبے ایک پیج پر آجائیں گے۔
زرعی آمدن پر صوبوں نے عالمی مالیاتی فنڈ کو بھرپور تعاون کی یقین دہانی کرادی، خیبر پختون حکومت نے بھی عالمی مالیاتی ادارے سے مثبت مذاکرات کیے۔
عالمی مالیاتی فنڈ نے خیبر پختون خوا کی 100 ارب روپے سرپلس بجٹ کو سراہا۔