11 ویں جماعت کے طالب علم نے ڈانٹنے پر کیمسٹری کے استاد کو چاقو کے وار کرکے قتل کردیا۔
بھارتی میڈیا کے مطابق یہ واقعہ ریاست آسام میں پیش آیا جہاں پڑھائی میں خراب کارکردگی پر کیمسٹری استاد راجیش نے طالب علم کو ڈانٹا تھا۔
میڈیا رپوٹس کے مطابق استاد نے کلاس روم میں سب کے سامنے طالب علم کو ڈانٹا اور والدین کو اسکول لانے کا کہا۔
دوپہر میں طالب علم گھر کے کپڑوں میں استاد کے پاس کلاس میں آیا جس پر استاد نے اسے جانے کا کہا، اسی دوران طاب علم استاد پر حملہ آور ہوگیا اور چاقو سے وار کیے۔
اسکول میں موجود دیگر طالب علموں نے اسکول انتظامیہ کو واقعے سے آگاہ کیا اور کیمسٹری استاد کو فوری طبی امداد کیلئے اسپتال منتقل کیا جہاں وہ دم توڑ گئے۔
میڈیا رپورٹس کے مطابق پولیس نے طالب علم کو گرفتار کرکے قانونی کارروائی شروع کردی ہے۔