آئی سی سی ٹی ٹوئنٹی ورلڈکپ 2024 میں عمان اور نمیبیا میچ نے 12 سال بعد تاریخ دُہرا دی، ورلڈکپ کی تاریخ میں 2012 کے بعد پہلا سُپر اوور کھیلا گیا۔
ٹی ٹوئنٹی ورلڈکپ کے نویں ایڈیشن میں آج عمان اور نمیبیا کی ٹیمیں بارباڈوس کے کینسنگٹن اول کرکٹ گراؤنڈ میں مدِ مقابل آئیں۔ نمیبیا نے سُپر اوور میں مخالف ٹیم کو 11 رنز سے شکست دے کر میگا ایونٹ میں فاتحانہ آغاز کیا۔
عمان نے پہلے بیٹنگ کرتے ہوئے نمیبیا کو 110 رنز کا معمولی ہدف دیا۔ جواب میں نمیبیا کے بلے باز مقررہ اوورز میں صرف 109 رنز ہی بنا سکے۔ سُپر اوور میں نمیبیا نے 21 رنز کا ٹارگٹ دیا جبکہ عمان 6 گیندوں پر صرف 10 رنز ہی بناسکی۔
ٹی ٹوئنٹی ورلڈکپ کی تاریخ میں یہ تیسری مرتبہ تھا جب میچ کا نتیجہ سُپر اوور کے ذریعے نکالا گیا۔ اس سے قبل 2012 ورلڈکپ میں نیوزی لینڈ بمقابلہ ویسٹ انڈیز اور سری لنکا بمقابلہ نیوزی لینڈ میچز میں سُپر اوور تک میچ گیا تھا۔