انڈین پریمیئر لیگ (آئی پی ایل) 2024 میں کولکتہ نائٹ رائیڈرز سن رائزرز حیدرآباد کو شکست دے کر چوتھی مرتبہ فائنل میں پہنچ گئی۔
منگل کو آئی پی ایل کے پہلے کوالیفائر میں کولکتہ نائٹ رائیڈرز اور سن رائزرز حیدرآباد کی ٹیمیں مدِ مقابل آئیں۔ کولکتہ نے حیدرآباد کو 8 وکٹوں سے شکست دے کر با آسانی فائنل میں جگہ بنالی۔
اس طرح بالی ووڈ کنگ شاہ رخ خان کی کولکتہ نائٹ رائیڈرز چوتھی مرتبہ فائنل میں پہنچ گئی۔ کولکتہ اس سے قبل 2012، 2014 اور 2021 میں آئی پی ایل فائنل کھیل چکی ہے جس میں دو مرتبہ ٹائٹل جیتنے میں کامیاب ہوئی۔
کولکتہ نائٹ رائیڈرز رواں سیزن گروپ اسٹیچ کے پوائنٹس تیبل میں بھی سرفہرست تھی۔ کولکتہ نے گروپ اسٹیج میں 14 میچز کھیلے جس میں سے 9 میں فتح اور 3 میں ناکامی ملی جبکہ 2 میچز کو کوئی نتیجہ نہیں نکلا۔
کولکتہ نائٹ رائیڈرز کے خلاف فائنلسٹ ٹیم کا فیصلہ کل چنئی میں ہوگا جہاں سن رائزرز حیدرآباد اور راجستھان رائلز کی ٹیمیں جان کی بازی لگائیں گی۔ دونوں ٹیموں کے پاس کوالیفائی کرنے کا یہ آخری موقع ہوگا۔