عالمی اور مقامی مارکیٹ میں سونا دوسرے روز بھی مہنگا

عالمی اور مقامی مارکیٹ میں سونا دوسرے روز بھی مہنگا ہو گیا۔

آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت 500 روپے بڑھ کر 2 لاکھ 42 ہزار 500 روپے ہو گئی ہے جبکہ 10 گرام سونے کی قیمت 429 روپے اضافے سے 2 لاکھ 7 ہزار 905 روپے ہے۔

ایسوسی ایشن کے مطابق عالمی صرافہ مارکیٹ میں سونے کی قیمت 2 ڈالر اضافے کے بعد 2302 ڈالر فی اونس ہو گئی ہے۔

واضح رہے کہ گزشتہ روز ملک میں سونے کی فی تولہ قیمت میں 1100 روپے کا اضافہ ہوا تھا۔