پاکستان کی معیشت میں آئی ایم ایف کی وجہ سے استحکام آیا ہے، عالمی معاشی ریٹنگ ایجنسی فچ نے ایشیائی ممالک کی معاشی رپورٹ جاری کردی۔
فچ کی جانب سے معاشی رپورٹ میں کہا گیا ہے کہ پاکستان اور سری لنکا کو مزید چند سال آئی ایم ایف پروگرام کا حصہ رہنے کی ضرورت ہے، آئی ایم ایف پروگرام سے پاکستان کی معیشت بہتر ہو سکتی ہے۔
فچ رپورٹ کے مطابق 2024ایشیا میں انتخابات کا سال ہے،انتخابات کے باعث ایشیائی ممالک معاشی استحصال کا شکار ہیں،انتخابات کے بعد معاشی استحکام کی پالیسیاں مزید واضح ہوں گی۔
آئی ایم ایف سے قرض کے بعد پاکستان کی ریٹنگ بہتر کی گئی تھی، آئی ایم ایف پروگرام میں رہنے سے پاکستان کی ریٹنگ مزید بہتر ہوسکتی ہے۔
فچ رپورٹ کے مطابق پاکستان، بھارت، انڈونیشیا، کوریا اور سری لنکا میں الیکشن ہونا باقی ہیں، الیکشن کے سال میں اصلاحات کا عمل سست روی کا شکار ہو جاتا ہے۔