پاکستان سپر لیگ (پی ایس ایل) کے نویں ایڈیشن کیلئے میڈیا رائٹس بڈنگ کرنے کی اجازت دیدی گئی۔
نگران وفاقی حکومت نے پاکستان سپر لیگ 9 بارے اہم فیصلہ کر لیا، آئندہ ماہ فروری میں شروع ہونیوالے پی ایس ایل کے نویں ایڈیشن کیلئے میڈیا رائٹس بڈنگ کرنے کی اجازت دے دی گئی۔
پاکستان کرکٹ بورڈ (پی سی بی )نے پی ایس ایل میڈیا رائٹس کی بڈنگ کرنے کیلئے نگران حکومت سے اجازت مانگی تھی جس پر وزارت بین الصوبائی رابطہ نے پی سی بی کے پیٹرن انچیف اور نگران وزیراعظم انوار الحق کاکڑ کی منظوری کے بعد پی ایس ایل میڈیا رائٹس بڈنگ کی اجازت دی ہے۔
واضح رہے کہ حکومت نے پاکستان سپر لیگ (پی ایس ایل) اور بین الاقوامی کرکٹ میڈیا رائٹس کی فروخت کے لیے بولی دینے کا عمل روک دیا تھا اور بڑے معاہدے سے قبل پی سی بی منیجمنٹ کمیٹی کیلئے حکومتی اجازت لازمی قرار دی تھی۔