لاہور ہائی کورٹ نے تعلیمی اداروں میں سردیوں کی چھٹیوں میں توسیع سے متعلق مقدمے کا تفصیلی فیصلہ جاری کر دیا ہے۔
ویب سائٹ’’پروپاکستانی‘‘ کے مطابق عدالت عالیہ کی طرف سے محکمہ تعلیم پنجاب کو حکم دیا گیا ہے کہ فوری طور پر سردیوں کی چھٹیوں میں اضافے کا نوٹیفکیشن جاری کیا جائے۔
جسٹس شاہد کریم کی طرف سے لکھے گئے اس فیصلے میں سموگ اور شدید سردی کو چھٹیوں میں اضافے کا سبب کہا گیا ہے۔
فیصلے میں کہا گیا ہے کہ چھٹیوں میں اضافے کا نوٹیفکیشن تمام تعلیمی اداروں بشمول سکولز اور کالجز پر لاگو ہو گا۔
عدالت عالیہ کے اس فیصلے کے بعد محکمہ تعلیم پنجاب کی طرف سے چھٹیوں میں ایک ہفتہ اضافہ کیے جانے کا امکان ہے۔
واضح رہے پنجاب کے بیشتر شہر اس وقت شدید دھند کی لپیٹ میں ہیں۔