حکومت نے کراچی کے صارفین کے لیے بجلی مزید مہنگی کر دی۔
نیشنل الیکٹرک پاور ریگولیٹری اتھارٹی (نیپرا) نے کے الیکٹرک سے متعلق تفصیلی فیصلہ جاری کردیا۔
اتھارٹی کے مطابق کراچی کے صارفین کے لیے بجلی 1 روپے 71 مہنگی کر دی گئی، قیمتوں میں اضافے کا اطلاق یکم جنوری سے ہوگا۔
نیپرا کے فیسلے میں کہا گیا کہ قیمتوں میں اضافہ سہ ماہی ایڈجسمنٹ کی مد میں وفاقی حکومت کی درخواست پر کیا گیا ہے۔
کراچی کے صارفین سے اپریل، مئی جون 2023 کے 48 پیسے فی یونٹ جنوری تا مارچ لیے جائیں گے جب کہ جولائی، اگست اور ستمبر 2023 کے 1 روپے 24 پیسے فی یونٹ بھی یکم جنوری سے ریکور ہوں گے۔
واضح رہے کہ دو ہفتے قبل وزارت توانائی نے نیپرا میں کےالیکٹرک کے لیے ٹیرف ایڈجسٹمنٹ کی درخواست دی تھی۔