رواں سال دہشت گردی پھیلانے والے سوشل میڈیا اکاؤنٹس کی تفصیلات جاری کردی گئیں، آج نیوز نے تفصیلات حاصل کرلیں۔
کاؤنٹر ٹیرارزم ڈیپارٹمنٹ (CTD) نے رواں سال دہشت گردی پھیلانے والے سوشل میڈیا اکاؤنٹس کی تفصیلات جاری کردیں، سوشل میڈیا اکاؤنٹس کی تفصیلات آج نیوز کو موصول ہوگئیں۔
دستاویزات کے مطابق سی ٹی ڈی نے 3 ہزار سوشل میڈیا اکاؤنٹس متعلقہ ڈیپارٹمنٹ کو شیئر کئے، اور پی ٹی اے نے 2 ہزار 560 اکاؤنٹس بلاک کردیے۔
دستاویز میں بتایا گیا ہے کہ سی ٹی ڈی نے رواں سال 23 ٹارگٹس کا ڈیٹا متعلقہ دفاتر کو ارسال کیا، 15 ٹارگٹ محکمہ انسداد دہشتگردی کے پی کے ساتھ شئیر کئے۔
دستاویز کے مطابق 77 آن لائن اسلحہ ڈیلرز کا ڈیٹا سنئیر پولیس افسران کے ساتھ شئیر کیا گیا، اور
ناپسندیدہ گفتگو والے 53 فیس بک اکاؤنٹس، 20 ٹویٹر اکاونٹس کا ڈیٹا ایف ائی اے کو ارسال کیا گیا۔