الیکشن کمیشن آف پاکستان ( ای سی پی ) نے کوہاٹ کے ریٹرننگ افسر کی معطلی کا پشاور ہائیکورٹ کا فیصلہ سپریم کورٹ میں چیلنج کردیا۔
جمعرات کے روز الیکشن کمیشن کی جانب سے سپریم کورٹ میں درخواست دائر کی گئی ہے جس میں کوہاٹ کے ریٹرننگ افسر کی معطلی کا پشاور ہائیکورٹ کا فیصلہ چیلنج کر دیا گیا ہے۔
الیکشن کمیشن کی جانب سے دائر کی گئی درخواست میں موقف اختیار کیا گیا ہے کہ فیصلے کے بعد سے حلقہ بغیر ریٹرننگ افسر کے ہے اور انتخابی عمل میں مشکلات پیش آرہی ہیں۔
ای سی پی نے عدالت عظمیٰ سے استدعا کی ہے کہ پشاور ہائیکورٹ کا 27 دسمبر کا فیصلہ کالعدم قرار دیا جائے۔
الیکشن کمیشن کی درخواست میں پشاور ہائیکورٹ میں درخواست گزاروں کو فریق بنایا گیا ہے۔