دورہ آسٹریلیا میں فاسٹ بولر خرم شہزاد کی انجری کے بعد پاکستان ٹیم مینجمنٹ نے شاہین شاہ آفریدی کا ورک لوڈ کم کرنے کا فیصلہ کرلیا جبکہ خرم کے متبادل کے طور پر دوسرا بولر فی الحال آسٹریلیا نہیں بھیجا جارہا۔
فاسٹ بولر خرم شہزاد پرتھ ٹیسٹ کے دوران پسلی میں فریکچر کا شکار ہوکر سیریز سے آؤٹ ہوگئے ہیں جس کے بعد پاکستان ٹیم مینجمنٹ تشویش کا شکار ہے۔
ٹیم مینجمنٹ نے فیصلہ کیا ہے کہ میلبرن ٹیسٹ سے قبل شاہین آفریدی پر زیادہ بولنگ کا بوجھ نہ ڈالا جائے اور یہی وجہ تھی کی جمعرات کو پریکٹس سیشن میں ان سے بولنگ نہیں کروائی گئی۔
جمعہ سے شروع ہونیوالے دو روزہ میچ میں بھی شاہین آفریدی سے محدود بولنگ کروائی جائے گی تاکہ میچ کیلئے ان کو فریش رکھا جاسکے۔
دوسری جانب خرم شہزاد کے انجری ی وجہ سے سیریز سے باہر ہونے کے بعد فی الحال ان کے متبادل پر کوئی فیصلہ نہیں ہوا۔