جدہ جانے والی پی آئی اے کی پرواز 24 گھنٹوں سے زائد تاخیر کا شکار ہوئی، انتظامیہ نے ٹیکنیکل خرابی کے باعث چار بار پرواز کا وقت تبدیل کیا اور پھر مسافروں کے احتجاج پر طیارہ بدل کر پرواز کو جدہ روانہ کیا۔
گزشتہ شام 5 بجے پی آئی اے کی پرواز پی کے 859 نے لاہور کے علامہ اقبال انٹرنینشنل ائیر پورٹ سے جدہ کیلئے روانہ ہونا تھا، لیکن یہ پرواز 24 گھنٹے سے زائد تاخیر کے بعد جدہ روانہ ہوئی۔
پرواز میں خواتین اور بچوں سمیت عمرہ زائرین کی ایک بڑی تعداد بھی شامل تھی جنہوں نے گزشتہ رات سردی میں رات ائیرپورٹ پر گزاری۔
مسافروں کے مطابق پی آئی اے نے ٹیکنیکل خرابی کا بتا کر 4 بار پرواز کا وقت تبدیل کیا، اور پھر مسافروں کے احتجاج پر جہاز تبدیل کر کے پرواز کو آج شام 6.30 بجے جدہ کیلئے روانہ کیا گیا۔