آرمی چیف جنرل سید عاصم منیر عہدہ سنبھالنے کے بعد پہلے اہم دورے پر امریکا روانہ ہوگئے۔
آئی ایس پی آر کے مطابق آرمی چیف جنرل سید عاصم منیر کا بطور آرمی چیف امریکا کا یہ پہلا دورہ ہے۔ دورے کے دوران آرمی چیف سینئر امریکن آرمی افسران سے ملاقاتیں کریں گے۔
آئی ایس پی آر نے بتایا ہے کہ آرمی چیف اپنے دورے کے دوران امریکی حکام سے بھی ملیں گے۔
خیال رہے کہ اس سے قبل آرمی چیف جنرل عاصم منیر نے گزشتہ ماہ آذربائیجان کا دورہ کیا تھا جہاں ان کی آذربائیجان کے صدر الہام علیوف اور وزیر دفاع سے ملاقات ہوئی تھی۔