نگران وزیراعظم انوار الحق کاکڑ نے کویت کے پہلے نائب وزیراعظم اور وزیر داخلہ سے ملاقات کی ۔
تفصیلات کے مطابق ملاقات میں آرمی چیف جنرل سید عاصم منیر بھی موجود تھے،ملاقات میں برادرانہ تعلقات کو مزید مضبوط کرنے کی خواہش کا اعادہ کیا گیا۔
پاکستان اور کویت کے درمیان اربوں ڈالر کے 7معاہدوں پر دستخط ہوگئے ،معاہدوں میں فوڈ سیکیورٹی،زراعت، ہائیڈل پاور، واٹر سپلائیز کےشعبے شامل ہیں۔
ثقافت، آرٹ، ماحولیات اور پائیدار ترقی کے 3 مفاہمت کی یاداشتوں پر بھی دستخط پوئے،دونوں رہنماؤں نے تعلقات کی رفتار پر انتہائی اطمینان کا اظہار کیا۔
تعلقات کو مزید مضبوط اور گہرا کرنے کیلئے تیز رفتار اقدامات کرنے پر اتفاق کیا گیا،وزیر اعظم نے کویت کے امیر شیخ نواف الاحمد الجابر الصباح کی صحت یابی کیلئے بھی دعا کی۔