سپریم جوڈیشل کونسل نے سپریم کورٹ کے جسٹس مظاہر نقوی کو دوبارہ شوکاز نوٹس جاری کردیا۔
سپریم جوڈیشل کونسل کا اجلاس چیف جسٹس قاضی فائز عیسیٰ کی زیر صدارت ہوا جس میں جسٹس مظاہر نقوی کے خلاف شکایات کا جائزہ لیا گیا۔
ذرائع کے مطابق اجلاس میں سامنے آئے شواہد کی روشنی میں جسٹس مظاہر نقوی کو نوٹس جاری کیا گیا۔
سپریم جوڈیشل کونسل نے شوکاز میں کہا ہے کہ جسٹس مظاہر نقوی 14 روز کے اندر اظہار وجوہ نوٹس کا جواب دیں۔
ذرائع کے مطابق جسٹس مظاہر نقوی نے شوکاز میں اپنے خلاف شکایات کی تفصیل درج ہونے پر اعتراض کیاتھا، کونسل نے مسلسل 3 دن جسٹس مظاہرنقوی کے خلاف شکایات اور ان کے اعتراضات کا جائزہ لیا۔
ذرائع کا کہنا ہے کہ سپریم جوڈیشل کونسل نےتفصیلی شوکازجاری کیا۔
جسٹس مظاہر نقوی کو27 اکتوبر کے کونسل اجلاس میں بھی شوکازجاری کیاگیا تھا۔