پاکستان پیپلز پارٹی کے شریک چیئرمین آصف زرداری نے برطانوی ہائی کمشنر سے ملاقات کی، جس میں دو طرفہ تعلقات پر گفتگو کی گئی۔
سابق صدر آصف زرداری کی کرا چی میں برطانوی ہائی کمشنر جین میریٹ سے ملاقات ہوئی، اس دوران آصف زرداری نے شاہ چارلس کے جنم دن کے حوالے سے اظہار مسرت کا پیغام دیا۔
آصف علی زرداری نے ملاقات میں برطانوی وفد پر زور دیا کہ غزہ میں اسرائیلی جارحیت کے خاتمے کے لیے برطانیہ مصالحتی کردار ادا کرے۔
سابق صدر کی جانب سے ڈیوڈ کیمرون کے وزیرخارجہ بننے پر بھی نیک تمناؤں کا اظہار بھی کیا گیا۔
آصف زرداری اور برطانوی ہائی کمشنر کے درمیان دوطرفہ تعلقات پر بھی بات چیت ہوئی۔
اس اہم ملاقات میں سینیٹر سلیم مانڈوی والا اور ڈاکٹرعاصم بھی موجود تھے ۔