اسلام آباد : سابق وفاقی وزیر اسد عمر نے سیاست چھوڑنے کا اعلان کرتے ہوئے کہا کہ پی ٹی آئی کی بنیادی رکنیت سےاستعفیٰ دے رہا ہوں۔
تفصیلات کے مطابق پاکستان تحریک انصاف کے رہنما اسد عمر نے سماجی رابطے کی ویب سائٹ ‘ایکس’ پر سیاست سے علیحدگی کا اعلان کرتے ہوئے اپنے پیغام میں کہا کہ ایک دہائی سےزیادہ عوامی زندگی گزارنے کے بعد سیاست چھوڑنےکافیصلہ کیا ہے اور پی ٹی آئی کی بنیادی رکنیت سےاستعفیٰ دے رہا ہوں۔
اسد عمر کا کہنا تھا کہ ریاستی اداروں کے ساتھ تصادم کی پالیسی سےمتفق نہیں، ایسی پالیسیاں اداروں سے شدید ٹکراؤ کا باعث بنتی ہیں جو ملک کے مفاد میں نہیں۔
سابق وفاقی وزیر نے کہا کہ ان تمام لوگوں کاشکریہ اداکرنا چاہتا ہوں جنہوں نےمیراساتھ دیا ، این اے54 کی ٹیم اورووٹرزکاشکریہ جنہوں نے مجھے دو بار منتخب کیا، جس حلقےسےمنتخب ہوااس کی خدمت کرنے کی پوری کوشش کی ، اللہ پاک پاکستانی قوم پراپنی رحمتیں نازل فرمائے۔