سعودی ولی عہد محمد بن سلمان کے ستمبر کے دوسرے ہفتے میں پاکستان کے مختصر دورے کا امکان ہے۔
سفارتی ذرائع کے مطابق سعودی ولی عہد کا دس ستمبر کو پاکستان پہنچنے کا امکان ہے۔ ممکنہ دورہ چار سے چھ گھنٹوں کا ہوگا۔ پاکستان میں چند گھنٹے کے قیام کے بعد وہ بھارت روانہ ہو جائیں گے۔
محمد بن سلمان بھارت میں اٹھارویں جی ٹوینٹی سربراہ اجلاس میں شرکت کریں گے۔ اٹھارواں جی ٹوینٹی سربراہ اجلاس نو اور دس ستمبر کو دہلی میں منعقد ہوگا۔
پاکستان میں قیام کے دوران شہزادہ محمد بن سلمان نگران وزیراعظم اور آرمی چیف سے ملاقاتیں کرینگے۔ ملاقاتوں میں پاک سعودی عرب تعلقات کے فروغ سمیت دیگرامور پر تبادلہ خیال کیا جائے گا۔