لاہور کی انسداد دہشت گردی عدالت نے 9 مئی کو تھانہ شادمان کو آگ لگانے کے مقدمے میں پاکستان تحریک انصاف کے رہنما سینیٹر اعجاز چوہدری کے جوڈیشل ریمانڈ میں 13 روز کی توسیع کردی۔
پولیس نے اعجاز چوہدری کا جوڈیشل ریمانڈ ختم ہونے پر انہیں انسداد دہشت گردی عدالت میں پیش کیا۔
انسداد دہشت گردی عدالت کے جج اعجاز احمد بٹر نے تحریک انصاف کے سینٹر اعجاز چوہدری کے خلاف مقدمے کا چالان پیش کرنے کی ہدایت کی اور جسمانی ریمانڈ میں 5 ستمبر تک توسیع کردی۔
دوسری طرف لاہور ہائیکورٹ نے اعجاز چوہدری کو جیل میں بی کلاس سہولیات فراہم نہ کرنے کے خلاف اپیل پر کاررواٸی ایڈیشنل ایڈووکیٹ جنرل کی عدم دستیابی پر ملتوی کر دی۔
سماعت کے دوران پنجاب حکومت کے وکیل نے بتایا کہ اس معاملے ایڈیشل ایڈووکیٹ جنرل نے دلائل دینے ہیں لیکن وہ اپنی بیماری کی وجہ سے آج پیش نہیں ہوسکتے۔
بعدازاں لاہور ہائیکورٹ نے اپیل پر کاررواٸی 28 اگست تک ملتوی کر دی۔