نگران وزیراعلیٰ محسن نقوی کی پنجاب انسٹی ٹیوٹ آف کارڈیالوجی لاہورکے تمام آپریشن تھیٹر فوری طور پرانفیکشن فری کرنے کی ہدایت کردی ہے۔
وزیراعلی نے کہا کہ مکمل طورپرانفیکشن فری ہونے تک پی آئی سی لاہور کے آپریشن تھیٹر بند رکھے جائیں گے، آپریشن تھیٹر میں انفیکشن کی صورت میں مریض کو خطرہ لاحق ہو سکتا ہے، انفیکشن فری ہونے کی تھرڈ پارٹی سے تصدیق کی جائے گی۔
محسن نقوی نے کہا کہ فری انفیکشن ہونے کی تصدیق کے لئے تھرڈ پارٹی کی خدمات حاصل کر لی گئیں۔ پی آئی سی کے تمام آپریشن تھیٹر مکمل طورپر انفیکشن فری ہونے پر کھول دئیے جائیں گے۔
واضح رہے کہ آپریشن تھیٹرزکو مرمت اور تزئین و آرائش کے نام پر متبادل انتظامات کے بغیر ہی آپریشن تھیٹرز کو بند کر دیا گیا تھا۔