اسلام آباد: سیکریٹری منصوبہ بندی نے نئی مردم شماری کے نتائج مرتب کرنے کا گرین سگنل دے دیا۔
تفصیلات کے مطابق حکومت کی جانب سے مشترکہ مفادات کونسل کا اجلاس آیندہ ہفتے بلائے جانے پر غور کیا گیا ہے، ذرائع کا کہنا ہے کہ نئی مردم شماری کی منظوری دیے جانے کا ایجنڈا بھی اس میں شامل ہونے کا امکان ہے۔
ذرائع کے مطابق سیکریٹری منصوبہ بندی ظفر علی شاہ نے نئی مردم شماری کے نتائج مرتب کرنے کا گرین سگنل دے دیا ہے، کیوں کہ مردم شماری کی مشترکہ مفادات کونسل سے منظوری لازمی ہے۔
ذرائع کے مطابق پاکستان شماریات بیورو نے ڈیجیٹل آبادی اور ہاؤسنگ کی مردم شماری کے نتائج مرتب کر لیے ہیں، چاروں صوبائی وزرائے اعلیٰ سی سی آئی اجلاس میں مدعو کیے جائیں گے، اور وزیر اعظم سی سی آئی اجلاس بلانے کا فیصلہ چاروں صوبائی وزرائے اعلیٰ کی مشاورت سے کریں گے۔